काळ संध्याकाळीच पुण्यातल्या जे एम रोडवर फिरायला म्हणून गेलो होतो. तसा पहिला तर हा भाग पुण्यातल्या अतिशय प्रमुख भागांमध्ये गणला जातो. शिवाय येथे फार उच्चशिक्षित आणि उच्चभ्रू लोक येत असतात. परंतु तेथील दृश्य पाहून अतिशय वाईट वाटले. कुठे प्लस्तिक्चे ग्लासेस वापरून रस्त्यात फेकलेले होते तर कुठे वेफर्सची पाकिटे पडलेली होती तर कुठे थर्माकोलच्या प्लेट्स. एकीकडे गणेशोत्सवाच्या पार्श्वभूमीवर इको फ्रेंडल ी गणेशोत्सवाचा इतका प्रचार चाललेला असताना दुसरीकडे अशा प्रकारे एका सुशिक्षित विभागात प्लास्टिक आणि थर्माकोलच्या कचऱ्याचा असा ढीग असणे मनाला पटत नाही. आणि हे सगळे अरीशय सुशिक्षित वर्गाकडून होत असते हे आणखीनच निराशाजनक आहे. आज जग ग्लोबल वॉर्मिंगच्या आणि इतर समस्यांच्या इतके जवळ येऊन ठेपलेले असताना देखील सुसंस्कृत वर्गालाहि जाग येत नाही तर मग इतर लोकांचे काय? परंतु याची फळे आज न उद्या सर्वांनाच भोगावी लागणार आहेत.